ٹھٹھہ کے رہنے والے ایک گاؤں میں کورونا وائرس سے محفوظ رہنے کے لیے درجنوں افراد نے سرمنڈوا لیے ہیں۔
تفصیلات کے مطابق طبی ماہرین گرمی میں کورونا کے خاتمے کو مفروضہ قرار دے چکے ہیں لیکن اس کے باوجود ٹھٹھہ کے گاؤں میر ہزار خان جوکھیو میں کورونا وائرس سے بچنے کے لیے درجنوں افراد نے اپنے سر منڈوا لیے۔ مکینوں نے بغیر حفاظتی انتظامات کے ایک جگہ جمع ہو کر ایک دوسرے کو خود ہی گنجا کرنا شروع کر دیا ہے۔
ٹھٹھہ کے مکینوں کا کہنا ہے کہ کورونا وائرس کا علاج گرمی ہے اور سر منڈوا کر اس سے بچا بھی جا سکتا ہے اس لیے ہم گنج کروا رہے ہیں۔
آپ کو بتاتے چلیں کہ اب تک پاکستان میں کورونا وائرس کے باعث اب تک 45 افراد جاں بحق اور 2880 متاثر ہو چکے ہیں۔
ڈاکٹرز اور حکومت کے احکامات کی پیروی کریں.
Post a Comment